تِـه چومـان تـا مِـه چومـانـا وَکفته

بَمَــــردم ،نـاخبر مِـــه نـاف دکفته

مگــــر تِـه مـار تَـرَ انجیل بـزاسته

بی صاحاب مِـه داهانـا آو جکفته!

واگردان لوغات گیلکی به فارسی :

تِه : تو ، مال تو / مِه چومانا : چشمان مرا ، به چشمان من / وَکفته :

برخورد کرد ، تلاقی دو نگاه / بَمَردم : مُردم / ناخبر : ناگهان / مه ناف :

ناف من / دکفته : افتاد / تَه مار : مادر تو / انجیل : انجیر / بزاسته :

زائیده / آو : آب / جکفته : تراوید

======================

پوشت بر قمبه ببوستیم سر آخر

هَتو بی جمبه ببوستیم سر آخر

زیندیگی اَمــــرَ بیگیفتیم کوشتی

پالـــوان پمبـه ببوستیم سر آخر !

واگردان فارسی :

پشت بر خنجر شدیم عاقبت

همینطور بی جنبه شدیم عاقبت

با زندگی به کشتی در افتادیم

پهلوان پنبه ای شدیم عاقبت !
======================

مِـــه رنگــه رو هَتــو کــالـــه جوکـــوله

اونــه دیم سورخا بوسته ، سورخه گوله

بُبُـوســتم یـاره اَمـــرَ صـــاف و ســـاده

نانسـتم یــار ایــتا ، پیلـدانـــه مــــوله !

واگردان فارسی :

رنگ روی من ، همینطور مثل « جوکول » پریده رنگ است

صورت او سرخ ، مثل گل سرخ است

بار یار صاف و ساده و بی ریا شدم

نمی دانستم یار ، حرامزاده بزرگی ست !
======================

مــو فــوکودن پیچانی ، کاکول خَیه

چاچایه بولبول که دینی، گول خَیه

پــــول خودا ببوسته پاک ، استافار

خؤ بنده یا ، آدمِــــه چاچول خَیه !

واگردان فارسی :

موی را بر پیشانی فرو ریختن ، کاکل می خواهد

چهچهه بلبل را کــــه می بینی ، گُل می خواهد

پــول ، استغفروالله مثـــــــــــل خــدا شده است

کـه بنـــده ی خودش را آدم دغلباز مـی خواهد !

======================

نویسنده: کاس آقا
منبع: gile-tanz.gilblog.ir
گردآورنده: سایت کرکان بندرانزلی